व्हिएस न्यूज - रस्त्याने पायी जाणाया तरूणाचा मोबाईल एकाने कॉल करण्यासाठी घेतला आणि साथीदाराच्या मदतीने तरूणाला बेदम मारहाण केली आणि दगडावर डोके आपटून त्याच्या खिशातील रोकड, मोबाईल, घड्याळ असा हजार रूपये किमतीचा ऐवज लुबाडून नेला. ही घटना खडकीत जुन्या होळकर ब्रीजजवळ घडली.
गणेश देवकाते (वय 31, रा. पिंपरी) यांनी खडकी पोलीस ठाण्यात फिर्याद दिली आहे. याप्रकरणी पिंटो आणि मनिष उर्फ महाराज (पूर्ण नाव समजू शकले नाही) यांच्याविरूद्ध गुन्हा दाखल करण्यात आला आहे. देवकाते हे 23 डिसेंबर रोजी रात्री आठच्या सुमारास खडकीतील जुन्या होळकर ब्रीजजवळील म्हसोबा मंदीरासमोरून पायी चालले होते. यावेळी 25 ते 30 वयोगटातील एक जण त्यांच्याजवळ आला. एक कॉल करण्यासाठी त्याने देवकाते यांना मोबाईल मागितला. देवकाते यांनी मोबाईल दिल्यानंतर तो मोबाईल घेऊन म्हसोबा मंदीराकडे चालू लागला. देवकाते त्याच्या पाठीमागे जात असतानाच दुसया आरोपीने त्यांच्या मानेवर जोरात फटका मारला. त्यानंतर दोघांनी मारहाण करत त्यांना ओढत नेले. झटापटीत देवकाते यांनी आपला मोबाईल आरोपीच्या हातातून घेण्याचा प्रयत्न केला असता एक जण पिंटो इसको मोबाईल मत दे, असे म्हणाला तर दुसरा त्याला मनिष आणि महाराज या नावाने बोलत इसके पास कितने पैसे हे ये देख, असे म्हणाला. त्यानंतर दोघा चोरट्यांनी देवकाते यांचे डोके दगडावर आपटत मारहाण सुरू केली आणि त्यांच्या खिशातील रोकड, मोबाईल, घड्याळ असा 13 हजार रूपये किमतीचा ऐवज काढून घेतला आणि पसार झाले. खडकी पोलीस तपास करत आहेत.