व्हिएस न्यूज - गुरुवारी पहाटे दक्षिण अफ्रिकेसाठी टीम इंडियाचा क्रिकेट संघ दुबई मार्गे रवाना झाला. भारताचा सलामीवीर शिखर धवनची पत्नी आणि मुलाला यावेळी अमिरात एअर लाईन्सच्या अधिकाऱ्यांनी दक्षिण अफ्रिकेच्या फ्लाईटमध्ये जाण्यापासून रोखले. जन्म तारखेचा पुरावा दाखवण्यासाठी अधिकाऱ्यांनी सांगितले. शिखर धवनने हा सारा प्रकार ट्विट केला होता. तसेच अव्यावसायिक वागणुकीचा आरोप अमिरात एअरलाईन्सवर केला होता. पण धवनचे हा सारे आरोप एअरलाईन्सने फेटाळले आहेत.
शुक्रवारी भारतीय फलंदाज शिखर धवनचे अव्यावसायिक वागणुकीचे आरोप अमिरात एअरलाइन्सने नाकारले. हे काम दक्षिण आफ्रिकेच्या कायद्यांनुसार करण्यात आल्याचे स्पष्टीकरण एअरलाइन्सने दिले आहे. याबाबत अमिरात एअरलाइन्सने एक निवेदन जारी केले असून त्यात असे स्पष्ट केले आहे की, १ जून २०१५ पासून, दक्षिण आफ्रिकेच्या नियमांनुसार १८ वर्षांखालील अल्पवयीनसह प्रवास करणाऱ्या पालकांना पालकत्व सिद्ध करणे आवश्यक आहे. यामुळे शिखर धवनची पत्नी आयेशा आणि मुलगा झोरावर यांना रोखल्याचे एअरलाईन्सने स्पष्ट केले.