व्हीएस न्यूज - नुकत्याच जाहीर झालेल्या न्यू वल्ड हेल्थ रिपोर्ट नुसार २०१७ मध्ये श्रीमंत देशांच्या यादीत यंदा भारत ६ व्या स्थानी असून नंबर एक वर यंदाही अमेरिका आहे. अमेरिकेची संपत्ती ६४५८४ अब्ज डॉलर्स आहे तर त्याखालोखाल चीन २४८०३ अब्ज डॉलर्स, जपान १९५२२ डॉलर्स संपत्तीने दुसऱ्या व तिसऱ्या नंबरवर आहेत.
कोणत्याची देशाची एकूण संपत्ती देशाच्या सर्व शहरातील नागरिकांच्या वैयक्तिक संपत्ती वरून मोजली जाते. यात सरकारी संपत्तीचा समावेश नसतो. या यादीत ९९१९ अब्ज डॉलर्सनी ब्रिटन ४ नंबरवर आहे तर जर्मनी ९६६० अब्ज डॉलर्स सह पाचव्या नंबरवर आहे. भारताची संपत्ती आहे ८२३० अब्ज डॉलर्स. त्याखाली फ्रांस ६६४९, कॅनडा ६३९३, ऑस्ट्रेलिया ६१४२, इटली ४२७६ अब्ज डॉलर्स असे क्रमांक आहेत.
भारताने यंदा २०१६ मधील ६५८४ अब्ज डॉलर्स वरून ८२३० अब्ज डॉलर्सवर झेप घेतली असून ही वाढ २५ टक्के आहे. जगातील करोडपतीच्या यादीत भारत ७ व्या नंबरवर आहे तर अब्जाधीशांच्या यादीत ३ नंबरवर आहे. भारतात २०७३० करोडपती व ११९ अब्जाधीश आहेत.