व्हीएस न्युज - उत्तर प्रदेशातून पुण्यात मोठ्या प्रमाणात शस्त्रास्त्र घेऊन आलेल्या गुंडाला पकडण्यात गुन्हे शाखेच्या पोलिसांना यश आले आहे. या सराईत गुंडाकडून दोन पिस्तुले व १२ गावठी कट्टे अशी एकूण १४ पिस्तुले आणि २५ काडतुसे जप्त करण्यात आली आहेत. त्याला कोर्टाने सात दिवस पोलिस कोठडीत ठेवण्याचा आदेश दिला आहे.
संतोष विनायक नातू (वय ४२, रा. झांबरे पॅलेसजवळ,महर्षीनगर) असे अटक केलेल्याचे नाव आहे. नातू याच्या विरुद्ध रंजि. नं ५४/२०१८ आर्म अॅक्ट कलम ३,७ (२५) व मुंबई पोलीस अॅक्ट कलम ३७ ( १ ) १३५ प्रमाणे स्वारगेट पोलिस ठाण्यात गुन्हा दाखल करण्यात आला आहे. त्याच्यावर पूर्वी देखील शस्त्र बाळगल्याचा गुन्हा दाखल आहे. त्याने उत्तर प्रदेशातून ही पिस्तुल आणल्यामुळे त्यांचा शोध घेण्यासाठी पथक पाठविण्यात आले आहे, अशी माहिती गुन्हे शाखेचे पोलिस उपायुक्त पंकज डहाणे यांनी पत्रकार परिषदेत दिली.
दरोडा प्रतिबंधक विभागाचे पोलिस नाईक परवेज जमादार यांना माहिती मिळाली, की सराईत गुन्हेगार संतोष नातू हा गावठी पिस्तुल विक्री करण्यासाठी झांबरे पॅलेस चौकात येणार आहे. त्यानुसार गुन्हे शाखेच्या पोलिसांनी सापळा रचून त्याला अटक केली. त्या वेळी त्याच्याकडे असलेल्या सॅकची तपासणी केली. त्यामध्ये पोलिसांना तब्बल चौदा पिस्तुल आणि २५ काडतुसे आढळून आली. त्याने ही पिस्तुल विक्रीसाठी घेऊन आणल्याचे सांगितले आहे. तसेच, त्याने कोणाला मारण्यासाठी ही पिस्तुल आणली होती का याचा देखील तपास सुरू आहे. नातू हा पूर्वी फरासखाना परिसरात लॉटरीचे दुकान चालवित होता. मात्र, त्याने हे काम सोडून दिल्यानंतर शेती करत असल्याचे समोर आले आहे, असे पोलिसांनी सांगितले. संतोष नातू ही पिस्तुले उत्तर प्रदेशातून घेऊन आला आहे. तो ही पिस्तुले घेऊन ट्रॅव्हल्सने आला आहे. एवढ्या मोठ्या प्रमाणात शस्त्राची तस्करी करून तो घेऊन आला आहे.
हि कारवाई अप्पर पोलीस आयुक्त प्रदीप देशपांडे , पोलीस उप आयुक्त पंकज डहणे, सपोआ गुन्हे -१ समीर शेख , यांच्या मार्गदर्शनाखाली गुन्हे शाखा दरोडा प्रतिबंधक विभागाचे पोलीस निरीक्षक राजेंद्र कदम , पोलीस निरीक्षक रॅम राजमाने , संघटीत गुन्हेगारी दक्षिण विभाग पथकाचे सहाय्यक पोलीस निरीक्षक लक्ष्मण ढेंगळे, सह पोलीस निरीक्षक विध्हुलता चव्हाण , सह. फौजदार संजय दळवी ,यशवंत दळवी ,यशवंत आंब्रे ,विनायक पवार , शंकर पाटील , पोलीस कर्मचारी परवेज जमादार, निलेश पाटील, महेश कदम, शैलेश सुर्वे, सचिन गायकवाड, विल्सन डिसोझा, धनाजी पाटील, सुनिल चिखले,
ठवरे, राहुल घाडगे, दत्तात्रय काटम, बशिर सैय्यद, प्रमोद गायकवाड, रामदास गाणते, चेतन मोरे, प्रविण जाधव यांनी केली.