व्हिएस न्यूज - रस्ता ओलांडत असताना भरधाव टेम्पोची धडक बसून 16 वर्षाचा मुलगा ठार झाला. ही घटना देहूरोड-कात्रज बाह्यवळण महामार्गावर बावधन येथे घडली.
सिनु गारदी बोदरा (वय 16, रा. बावधन) असे मृत्युमुखी पडलेल्या मुलाचे नाव आहे. याप्रकरणी नारायण कालुंडीया (वय19, रा. बावधन) यांनी फिर्याद दिली आहे. सिनु आणि नारायण हे एकमेकांचे नातेवाईक आहेत. 4 मार्च रोजी रात्री नऊच्या सुमारास दोघे बावधन येथे सीएनजी पेट्रोल पंपाजवळ भाजी खरेदी करण्यासाठी गेले होते. भाजी खरेदी करून ते घरी पायी निघाले होते. यावेळी रस्ता ओलांडत असताना भरधाव टेम्पोची सिनु याला जोरदार धडक बसली. यात गंभीर जखमी झाल्याने सिनु याचा मृत्यु झाला. टेम्पोचालक परशुराम खंडु सुर्यवंशी (वय25 , रा. थेरगाव फाटा, श्रीकृष्ण कॉलनी, चिंचवड) याला हिंजवडी पोलीसांनी अटक केली आहे. फौजदार एम. के. अबनावे तपास करत आहेत.