व्हीएस न्यूज - लवकरच देशाचे राष्ट्रपती आणि पंतप्रधानानंना स्वतःच्या मालकीचे विमान मिळणार असून त्यासाठी केंद्र सरकारने एअर इंडियाकडून दोन बोईंग विमाने खरेदी करण्याच्या तयारी केली आहे. ते या विमानांमध्ये आवश्यक बदल करून २०२० पर्यंत ती राष्ट्रपती आणि पंतप्रधानांच्या ताफ्यात दाखल होतील, अशी माहिती सरकारी सूत्रांनी दिली आहे.
एअर इंडियाकडून केंद्र सरकारने बोईंग ७७७-३०० एक्सेंटेड रेंज या प्रकारातील दोन विमाने विकत घेतली असून या विमानांमध्ये सध्या व्हीआयपी कक्ष, पत्रकार परिषदेसाठी खोली आणि अत्यावश्यक वैद्यकीय उपचारांसाठीच कक्ष तयार करण्याचे काम सुरू असून या विमानात वायफाय आणि क्षेपणास्त्रविरोधी यंत्रणाही असेल,अशी माहिती सरकारी अधिकाऱयांनी दिली आहे.