व्हीएस न्यूज - चिंचवड शिक्षण प्रसारक मंडळाने सादर केलेले चेंजरी रिपोर्ट हे योग्य असून ते धर्मदाय आयुक्तांनी मंजुर केले आहेत. त्यामुळे चिंचवड शिक्षण प्रसारक कार्यकारी मंडळाला धर्मदाय आयुक्तांनी हिरवा कंदील दिल्याची माहिती मंडळाचे अध्यक्ष प्रा. निळकंठ चिंचवडे यांनी निवेदनाव्दारे दिली आहे.
चिंचवडे यांनी प्रसिध्दीस दिलेल्या निवेदनात म्हटले आहे की, चिंचवड शिक्षण प्रसारक मंडळाने सादर केलेले चेंजरी पोर्ट बोगस आहेत. मंडळाने कुठल्याही प्रकारची सुचना पत्र न देता बैठक घेतली. बैठकीला कोणीही हजर नव्हते. हजेरी पत्रक सुचनेची पोच आणि एनओसी या सर्व कागद पत्रांवर खोट्या सह्या करून चेंजरी रिपोर्ट केल्याची तक्रार सुरेश धोंडींबा चिंचवडे, सुर्यकांत नामदेव चिंचवडे, मुरलीधर सिताराम चिंचवडे, नानासाहेब बाबुराव चिंचवडे यांनी सहाय्यक धर्मदाय आयुक्त पुणे यांच्याकडे सन 2010 मध्ये गेली होती. परंतू, सहाय्यक धर्मदाय आयुक्तांनी या सर्व प्रकरणाची शहानिशा करून चेंजरी रिपोर्ट हे योग्य असून ते मंजुर केले आहेत. त्यामुळे चिंचवड प्रसारक कार्यकारी मंडळाला धर्मदाय आयुक्तांनी एक प्रकारे हिरवा कंदील दिला आहे.
मंडळाच्या वतीने ऍड. मनोज वाडेकर, ऍड. संजय भळगट यांनी काम पाहिले,अशी माहिती मंडळाचे अध्यक्ष प्रा. निळकंठ चिंचवडे यांनी निवेदनाव्दारे दिली आहे.
चिंचवड
चिंचवड शिक्षण प्रसारक मंडळाला धर्मदाय आयुक्तांचा हिरवा कंदील
