व्हीएस न्यूज - लग्न व्हावे यासाठी लोक नवससायास करतात, काही जण खोटे बोलतात पण या सर्वांवर कडी करणारा एक बहाद्दर उत्तर प्रदेशात निघाला आहे. त्याने लग्नासाठी तोडगा म्हणून मांत्रिकाच्या सल्ल्यावरून चक्क मोबाईल गिळल्याची घटना हरदोई जिल्ह्यात घडली आहे. विशेष म्हणजे मोबाईल, बॅटरी वायर चाव्या आणि ग्लास अशा वस्तूही गिळल्याचे समोर आले आहे.
अजय द्विवेदी असे या व्यक्तीचे नाव असून तो 42 वर्षांचा आहे त्याची प्रकृती नीट राहात नसल्यामुळे आणि आपल्यावर कोणीतरी भानामती केली आहे, या संशयाने त्याने मांत्रिकाचा सल्ला घेतला होता. लग्न व्हावे यासाठी त्याने तोडगा विचारला होता. त्यानंतर मांत्रिकाच्या सल्ल्यावरून त्याने गिळलेल्या वस्तूंमुळे त्याच्या पोटात दुखायला लागले आणि त्याला खासगी रुग्णालयात उपचार घ्यावे लागले.
डॉक्‍टरांनी त्याच्या पोटाचा एक्सरे फोटो काढल्यानंतर त्यांना पोटाच्या आत या धातूच्या वस्तू दिसल्या तेव्हा त्यांना धक्काच बसला डॉक्‍टरांनी शस्त्रक्रिया करून या वस्तू बाहेर काढल्या, असे टाइम्स ऑफ इंडियाने म्हटले आहे. द्विवेदी हा कुठल्यातरी आजाराने ग्रस्त दिसत असून आत्महत्येची प्रवृत्ती असलेल्या व्यक्ती अशा वस्तू मिळतात, असे द्विवेदी यांच्यावर शस्त्रक्रिया करणारे सर्जन एस. के. सिंग यांनी सांगितले.