मॉक टेस्ट परीक्षेला विद्यार्थ्यांचा उत्स्फूर्त प्रतिसाद

व्हीएस न्यूज - युवासेना प्रमुख आदित्य ठाकरे यांच्या संकल्पनेतून आयोजित मॉक टेस्ट या सराव परीक्षेला विद्यार्थ्यांचा उत्स्फूर्त प्रतिसाद मिळाला. या परीक्षेसाठी लोणावळा परिसरातील जवळपास 90 टक्के विद्यार्थ्यांनी ऑनलाईन तसेच ऑफलाईन पध्दतीने रजिस्ट्रेशन केले होते. लोणावळा शहरात प्रथमच ही परीक्षा घेण्यात आली. यामध्ये NEET -UG, CET-PCM CET- PCM,CET-LAWच्या अभ्यासक्रमाचा समावेश होता.

लोणावळा नगरपरिषदेच्या उर्दू व मराठी माध्यमिक विद्यालयात ही परीक्षा घेण्यात आली. मावळ विधानसभा संपर्क प्रमुख गणेश जाधव व युवासेना विस्तारक मुंबई विद्यापीठ सिनेट सदस्य ऍड. वैभव थोरात यांनी परीक्षा केंद्रांना भेट देऊन विद्यार्थ्यांना शुभेच्छा दिल्या.

परीक्षाचे संयोजन लोणावळा शहराचे युवासेना अध्यक्ष तानाजी सुर्यवंशी, भारतीय विद्यार्थी सेनेचे शहर संघटक शाम सुतार व त्यांच्या सर्व सहकाऱ्यांनी केले होते. परीक्षेस बसलेल्या सर्व विद्यार्थ्यांना प्रशस्तीपत्रक देऊन सन्मानित करण्यात आले. यावेळी शिवसेनेच्या गटनेत्या शादान चौधरी, नगरसेवक सुनिल इंगुळकर, उपशहरप्रमुख बाळासाहेब फाटक, नगरसेवक शिवदास पिल्ले, माणिक मराठे, सिंधु परदेशी, दिपाली भिल्लारे, संगीता कंधारे, मनिषा भांगरे, जयवंत दळवी, संजय भोईर, श्रीकांत कंधारे, मनीष पवार, मोहन मल्ला, विजय आखाडे, विजय मोरे, ओमकार फाटक आदी उपस्थित होते.