वकिलाला मारहाण झाल्याच्या निषेधार्थ बार असोसिएशनकडून निषेध
व्हीएस न्युज - पिंपरी न्यायालयात जेष्ठ विधीज्ञ गोविंद माधवराव भालेराव ( वय -६३ वर्षे ) हे धुमकेकर कोर्ट येथील कामकाज उरकून बाहेर आले असता कंटेम ऑफ कोर्ट मधील विरोधी पक्षकर गीता अशोक व्यास यांनी लाथा बुक्क्यांने मारहाण केली. शुक्रवारी दुपारी १२. ३० वाजता च्या दरम्यान कोर्टाच्या आवरामध्ये हा प्रकार घडला.
जेष्ठ विधीज्ञ गोविंद माधवराव भालेराव यांना मारहाण केल्याची तक्रार पिंपरी-चिंचवड बार असोसिएशनने पोलिसांकडे केली आहे. या मारहाणीचा बार असोसिेएशनने सभा घेऊन निषेध केला आहे.
यावेळी महाराष्ट्र आणि गोवा बार कौन्सिलचे शिस्तपालन समितीचे सदस्य अॅड.अतीश लांडगे यांनी या घटनेचा तीव्र शब्दांत निषेध व्यक्त केला. तसेच, संबंधित महिलेच्या विरोधात कायदेशीर तक्रार पिंपरीतील संत तुकाराम पोलीस चौकीत देण्यात आली व कलाम -३२३/५०४/५०६/४२७ अंतर्गत गुन्हा दाखल करण्यात आला.
या प्रसंगी पिंपरी-चिंचवड बार असोसिएशनचे उपाध्यक्ष अॅड. कालिदास इंगळे, सचिव अॅड. तुकाराम पडवळे, ऑडीटर अॅड. गणेश राऊत, अॅड. प्रसन्न लोखंडे, अॅड.रविराज मीरचंदानी, अॅड.सुनील कड, अॅड.सुनील कडूसकर, अॅड.देविदास कुदळे, अॅड.सविता तोडकर, अॅड.शशिकांत गावडे, अॅड.मयूर लोढा, अॅड. योगेश थंबा, अॅड.संभाजी बवले आदी उपस्थित होते.