व्हिएस न्युज -पिंपरी चिंचवड शहर असंघटित कामगार काँग्रेस तर्फे पिंपरी चिंचवड शहराध्यक्ष सुंदर कांबळे यांनी महाराष्ट्र दिन व कामगार दिना निमीत्त छत्रपती शिवाजी महाराज, कामगारांचे जनक डॉ. बाबासाहेब आंबेडकर व नारायण मेघाजी लोखंडे यांच्या प्रतिमेस पुष्पहार अर्पण करुन टाळेबंदी मुळे जेवणाचे हाल होत असलेल्या गरजु असंघटित कामगारांना गहु, तांदुळ, साखर, तेल व चहापत्ती आदी धान्याच्या किट वाटण्यात आले .
पिंपरी चिंचवड व वाकड इत्यादी ठिकाणी कामगारांना अन्नदान करण्यात आले. यावेळी लहु उकरंडे अध्यक्ष प्रभाग क्र १०, नसीमा मोमीन महिला वार्ड अध्यक्ष प्रभाग क्र. १९ आणि निलेश ओव्हळ चिंचवड विधानसभा अध्यक्ष आदी मान्यवर उपस्थित होते.
या कार्यक्रमाचे आयोजन शितलताई कोतवाल महिला अध्यक्षा असंघटित कामगार काँग्रेस पिंपरी चिंचवड शहर यांनी केले आणि कार्यक्रमाचे सूत्रसंचालन प्रा. मोहन उनवणे यांनी केले.