चिंचवड येथील उद्योगनगर मध्ये घाणीचे साम्राज्य नागरिक त्रस्त

व्हीएस न्यूज - चिंचवड येथे उद्योगनगर येथे रेल्वे लाईन शेजारी असलेल्या झोपडपट्टी मधून गेलेल्या नाल्यामुळे परिसरात नागरिकांना दुर्गंधी मुळे नाकाला रुमाल लावून जावे लागते.या नाल्या जवळ असलेल्या सह्याद्री बॉईज हॉस्टेल मध्ये तर खुपच घाण वास येतो. तेथेच खाली बाथरूमचे पाईप सोडले असल्याने सर्व मैला खाली व रस्त्यावर साचत आहेत .त्यात डुकरे इतर जनावरे खेळत असतात,जवळच असलेले चेंम्बर फुटलेल्या अवस्थेत आहेत.या सर्व बाबीकडे आरोग्य खात्याचे दुर्लक्ष झाल्याचे दिसत आहे.

या परिसरात नवीन बांधकाम सुरु असलेल्या इमारतीतून वाहणारा मैला वाटेत साठल्या मुळे शेजारी असलेल्या गोदाई व्हीला,साकेत व्हीला तसेच माजी नगरसेवक गुरुबक्ष पहलानी यांचे चाललेले बांधकाम, तिथे असलेले नागरिक त्रस्त झाले आहेत. पालिकेच्या प्रशासनाने लक्ष घातले तर सर्वांना दिलासा मिळेल.या सर्व बाबीतुन एकच प्रश्न उभा राहतो कि या घाणी मुळे पसरणाऱ्या रोगराईला जबाबदार कोण ?