व्हीएस न्यूज - कर्ज मिळवून देतो, गिफ्ट देण्याचे अमिष दाखवून फसवणूक करणाऱ्या तिघांना दिल्लीतून तर एकाला पुण्यातील खराडीतून सायबर क्राईन सेलने अटक केली आहे. त्यांच्याकडून लाखो रूपयांच्या फसवणुकीच्या घटना उघडकीस आल्या आहेत.
निगडी येथील तरूणास रिलायन्स कॅपिटल पॉलिसीतून बोलत असल्याचे सांगितले. एक्साईट लाईफ इन्सुरन्स कंपनीमध्ये पॉलीसीसाठी 30 हजार रूपये भरण्यास सांगितले. ही पॉलिसी रिलायन्स कॅपिटल कंपनीकडे मॉरगेज ठेवून त्यावर पाच लाखांचे कर्ज मंजुर करून देण्याचे अमिष दाखविले. त्यासाठी विविध बॅक खात्यावर 1 लाख 85 हजार रूपये भरण्यास लावणाऱ्याला दिल्लीतील सानिया विहार येथून रोशन नारायण झा (वय-20), यशपालसिंग सन ऑफ बलविदरसिंग (वय-28) या दोघांना सायबर क्राईन सेलने अटक केली आहे. मॅट्रोमनी संकेतस्थळावरून ज्येष्ठाची साडेअठरा लाखांची फसवणूक करणारा गजाआड
जीवनसाथी डॉट कॉम या मॅट्रोमनी संकेतस्थळावर दुसऱ्या लग्नासाठी थेरगाव येथील ज्येष्ठाने नोंद केली होती. या संकेतस्थळावरून फ्रान्सीस मर्सी याने महिलेच्या नावाने चॅट करून माझ्या वडिलांची खूप संपत्ती आहे. ती पाठवून देण्याचे आमिष दाखवून त्यासाठीच्या चार्जेसच्या नावाखाली विविध बॅंक खात्यावर 18 लाख 50 हजार रूपये भरण्यास भाग पाडणाऱ्या नायजेरीयन जॉन ओरीयाकोसे याला दिल्लीतील टिळकनगपर येथूल सायबर सेलने गजाआड केले.
तर वाकड येथील एका इसमाला 50 लाखांचे कर्ज मिळवून देण्याचे अमिष दाखवून प्रोसिसिंग फी म्हणून 30 हजार रूपये भरण्यास सांगितले. कर्ज न देता फसवणूक करणाऱ्या सोमनाथ बाबुराव सुकरे (वय-45, रा. तुळजाभवानीनगर, चंदन मार्बलजवळ, चंदननगर, खराडी) येथून अटक केले. या चारही आरोपींकडून 37 सिमकार्ड, 10 मोबाईल, 31 डेबिट कार्ड, 3 पेन ड्राईव्ह, 4 डोंगल असा ऐवज जप्त केला असून तिन्ही घटनेतील 20 लाख 65 हजार रूपयांचा फसवणूकीचा प्रकार समोर आला आहे. आरोपींकडून आणखी गुन्ह्याची उखल होण्य़ाची शक्यता पुणे सायबर सेलने व्यक्त केली आहे.