व्हिएस न्यूज - बाबा रामदेव यांच्या जीवनावर बायोपिकची निर्मिती लवकरच अभिनेता अजय देवगण करणार असून पण हा बायोपिक मालिकेच्या माध्यमातून लोकांना पाहता येणार आहे. गेल्या काही दिवसांपासून रामदेव यांची भूमिका कोण साकारणार यासाठी शोध सुरू होता. या भूमिकेसाठी सुरु असलेला शोध संपला असल्याचे वृत्त नवभारत टाइम्सने दिले आहे.
रामदेव यांचे जीवन या सीरिजमध्ये दोन टप्प्यांत दाखवण्यात येणार असून राष्ट्रीय पुरस्कार विजेता बालकलाकार नमन जैन पहिल्या टप्प्यातील म्हणजेच बालपणातील रामदेव यांची भूमिका साकारणार आहे. तर अभिनेता क्रांती प्रकाश झा दुसऱ्या टप्प्यातील भूमिका साकारणार आहे. एमएस धोनी: द अनटोल्ड स्टोरी या चित्रपटात सुशांत सिंह राजपूतच्या मित्राची भूमिका क्रांतीने साकारली होती. बाबा रामदेव आणि त्यांचे सहकारी बालकृष्ण यांच्या आयुष्याशी निगडीत अनेक घटना या मालिकेत दाखवल्या जाणार आहेत.
अजयने एका वृत्तपत्राला दिलेल्या मुलाखतीत याविषयी म्हटले की, सर्वत्र या सीरिजची बरीच चर्चा आहे. आम्हाला यातील मुख्य भूमिकेसाठी एका नव्या चेहऱ्याचा शोध होता. ही भूमिका क्रांती उत्तमरित्या साकारू शकेल असा मला विश्वास आहे. क्रांतीच्या निवडीवर बाबा रामदेव यांनीसुद्धा आनंद व्यक्त केला. जेव्हा मी क्रांतीला भेटलो तेव्हा त्याची स्मरणशक्ती आणि संस्कृत श्लोक वाचण्याची क्षमता पाहूनच मी खूश झालो होतो. त्याच्या व्यक्तिमत्त्वावर आध्यात्मिकतेचा प्रभाव दिसून येतो, असे ते म्हणाले.
~2.jpg)
