तेजस एक्सप्रेसमध्ये अन्नातून विषबाधा झालेल्या 15 प्रवाशांची प्रकृती गंभीर; उपचार सुरु
मुंबई
2017-10-15
व्हीएस न्यूज -तेजस एक्सप्रेसमध्ये 40 प्रवाशांना अन्नातून विषबाधा झाली आहे. विषबाधा झालेल्या 15 प्रवाशांची प्रकृती गंभीर असून त्यानंतर त्यांना स्थानिक रुग्णालयात दाखल करण्यात आले आहे. काही प्रवाशांना अजुनही उलट्यांचा त्रास होत असून तेजस एक्स्प्रेस चिपळूण स्थानकावर थांबवण्यात आली आहे.
तेजस एक्स्प्रेस ही देशातील सर्वात वेगवान एक्स्प्रेस आहे. तेजस एक्स्प्रेस दर रविवारी करमाळीहून सीएसएमटीकडे रवाना होते. आजही तेजस आपल्या नियोजित वेळेप्रमाणे मुंबईच्या दिशेने निघाली. मात्र चिपळूणच्या जवळपास पोहोचताच अनेक प्रवाशांना त्रास जाणवू लागला. ज्यांना त्रास जाणवू लागला अशांची संख्याही मोठी होती. अन्नातून विषबाधा झाल्याचे लक्षात येताच तेजस चिपळूण स्टेशनवर थांबवण्यात आली. प्रवाशांना तातडीने चिपळूण शहरातील हॉस्पिटलमध्ये हलवण्यात आले.
~2.jpg)
