व्हिएस न्यूज - चक्क देवभाषा असलेल्या संस्कृतमधून सोलापुरातील एका मुस्लीम कुटुंबात होणाऱ्या लग्नाची पत्रिका छापण्यात आली आहे. अलीकडे सर्वत्रच भाषा, जात, धर्मावरून समाजात संकुचित दृष्टिकोन पाहावयास मिळत असताना संस्कृत भाषेच्या प्रेमातून ही अशी निमंत्रणपत्रिका सोलापुरातील या मुस्लीम कुटुंबाने तयार केल्याने सध्या हा कुतूहलाचा विषय ठरत आहे.
ही संस्कृत पत्रिका प्रख्यात संस्कृत पंडित गुलाम दस्तगीर बिराजदार यांच्या नातीच्या लग्नात तयार करण्यात आली आहे. संस्कृतच्या प्रचार आणि प्रसारासाठीच मूळचे अक्कलकोट तालुक्यातील असलेले बिराजदार यांनी आपले आयुष्य वेचले आहे. त्यांनी संस्कृत भाषेत विपुल लेखनासह ओघवती व्याख्याने देत संस्कृतप्रसाराचा वसा आजवर जपला आहे. येत्या ८ जानेवारी रोजी सोलापुरात दंतरोगतज्ज्ञ असलेली त्यांची नात डॉ. समीन हिचा विवाह हाजी मुहम्मद मुनीर रजवी यांचे पुत्र डॉ. मुहम्मद जमीर यांच्याबरोबर होत आहे. संस्कृतसह उर्दू, मराठी आणि इंग्रजीतून निमंत्रणपत्रिका त्यासाठी छापण्यात आल्या आहेत.
~2.jpg)
