व्हीएस न्यूज - अनेक वादात सापडलेल्या ‘पद्मावत’चे नवीन पोस्टर रिलीज करण्यात आले आहे. ट्विटरवर चित्रपटाचे दिग्दर्शक संजय लीला भन्साळी यांनी नवीन पोस्टर शेअर केले आहे. कुठल्याही अभिनेता किंवा अभिनेत्रीचा फोटो या पोस्टरवर टाकण्यात आलेला नाही. प्रदर्शनापूर्वीपासूनच पद्मावत हा चित्रपट वादग्रस्त ठरला होता. करणी सेनेने सुरुवातीला केलेला विरोध, त्यानंतर सेन्सॉर बोर्डाची नाराजी, अशा विविध घटनांमुळे चित्रपट कात्रीत सापडला होता. चित्रपटाच्या वादामुळे निर्मात्यांना याची प्रदर्शनाची तारीख ही पुढे ढकलावी लागली होती. अखेर या चित्रपटाच्या प्रदर्शनाचा मार्ग सेन्सॉर बोर्डाने सुचवलेले बदल केल्यानंतर मोकळा झाला होता. आता हा चित्रपट २५ जानेवारीला प्रदर्शित होणार आहे. त्याच धर्तीवर दिग्दर्शक संजय लीला भन्साळी यांनी ट्विटरवर नवे पोस्टर रिलीज केले आहे.
~2.jpg)
