समुद्रातील कठीण मार्ग नौदलाच्या महिलांनी यशस्वीरित्या केला पार
नवी दिल्ली
2018-01-19
व्हीएस न्यूज - केपहॉर्नला समुद्रमार्गाने जगाची सफर करत असलेल्या भारतीय नौदलातील महिलांची INSV ‘तारिणी’ दाखल झाली असून त्यांनी तेथे भारताचा झेंडा फडकावला आहे. पंतप्रधान नरेंद्र मोदी यांनी ट्विटरच्या माध्यमातून नाविका सागर परिक्रमा या साहसी मोहिमेतील महिलांचे अभिनंदन केले. आयएनएसव्ही तारिणी या देशी बनावटीच्या बोटीतून भारतीय नौदलातील सहा महिला गेल्या वर्षी सप्टेंबरमध्ये या साहसी मोहिमेवर मार्गस्थ झाल्या होत्या.
त्यांनी या प्रवासादरम्यान समुद्रातील कठीण समजला जाणारा मार्ग ‘ड्रेक पॅसेज’ यशस्वीरित्या पार केला आहे. त्यांनी फॉकलँड बेटावरील पोर्ट स्टॅन्लेच्या दिशेने पुढे जाताना तिरंगा फडकावला. फ्रेमँटल (ऑस्ट्रेलिया) हा एकूण १६५ दिवसांच्या या प्रवासाचा पहिला टप्पा होता. त्यानंतर त्यांनी डिसेंबर २०१७ मध्ये लिटलटन (न्यूझीलँड) हा दुसरा टप्पा गाठला. पोर्ट स्टॅन्लेनंतर आता ते केपटाऊनच्या दिशेने रवाना होणार आहेत. लेफ्टनंट कमांडर वर्तिका जोशी नाविक सागर परिक्रमा या मोहिमेचे सारथ्य करीत आहेत.
.jpg)
~2.jpg)
