सर्वोच्च न्यायालयातील महत्वपूर्ण खटल्यांच्या सुनावणीचे थेट प्रसारण करा
नवी दिल्ली
2018-01-19
व्हीएस न्यूज - चार न्यायाधीशांनी सर्वोच्च न्यायालयाच्या कार्यपद्धतीवर शंका उपस्थित केल्यानंतर मोठा वादंग माजला होता. वरिष्ठ वकील इंदिरा जयसिंग यांनी या पार्श्वभूमीवर महत्वपूर्ण खटल्यांच्या सुनावणीचे थेट प्रसारण करण्याची मागणी सर्वोच्च न्यायालयाकडे याचिकेव्दारे केली आहे. त्यांनी यासाठी लोकसभा आणि राज्यसभेच्या कामकाजाच्या होणाऱ्या थेट प्रक्षेपणाचा दाखला दिला आहे.
खटल्याविषयी अधिकृत माहिती थेट प्रसारणामुळे नागरिकांपर्यंत पोहचेल तसेच होणारे गैरसमज टाळता येतील. तसेच जयसिंग यांनी आपल्या याचिकेत घटनेच्या कलम १९ (१) (अ) नुसार न्यायालयाच्या खटल्यांची माहिती जाणून घेणे हा नागरिकांचा घटनासिद्ध अधिकार असल्याचे नमूद केले आहे.
जयसिंग यांनी आधारची घटनात्मकता, शबरीमाला मंदिरात महिलांना प्रवेश, पारशी महिलांच्या धर्म बदलण्याचा खटला, कलम ३७७ यांचे थेट प्रसारण करण्याची मागणी केली आहे. पण देशाच्या दृष्टीने कोणत्या खटल्यांच्या सुनावणीचे थेट प्रक्षेपण करायचे याचा निर्णय न्यायालयाच्या समितीने करावा, असे याचिकेत नमूद करण्यात आले आहे.
~2.jpg)
