व्हीएस न्यूज - आयपीएल सिझन ११ ची सुरवात ६ एप्रिल रोजी होणार असून या सिझन मधला पहिला सामना मुंबईत ७ एप्रिलला होणार आहे. अंतिम सामना २७ मे रोजी मुंबईतच होणार असल्याचे एएनआय न्यूज ने आयपीएलचे प्रमुख अधिकारी राजीव शुक्ला याच्या हवाल्याने जाहीर केले आहे. यंदाच्या सिझन मध्ये ८ टीम सहभागी होत आहेत.
यंदा दोन वर्षांपूर्वी बंदी घातल्या गेलेल्या चेन्नई सुपरकिंग्स व राजस्थान रॉयल स्पर्धेत सहभागी होणार आहेत तर गेल्या दोन सिझन मध्ये सहभागी असलेल्या गुजराथ लायन्स व रायझिंग पुणे सुपर जायंट्स या दोन टीम स्पर्धेत खेळणार नाहीत. आयपीएल साठी खेळाडूंचे लिलाव २७ व २८ जानेवारीला बंगलोर येथे होत आहेत. यात सहभागी असलेल्या ५७६ खेळाडूंपैकी ३६० भारतीय खेळाडू आहेत. आत्तापर्यंत झालेल्या १० सिझन मध्ये मुंबई इंडियन्सने सर्वाधिक ३ वेळा ट्रॉफी जिंकली आहे.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
