व्हीएस न्यूज – राष्ट्रपती रामनाथ कोविंद यांच्याकडे मुंबईतील नारायण लवाटे आणि इरावती लवाटे या वृद्ध दाम्पत्याने इच्छा मरणाची मागणी केली आहे. आता इच्छामरण मिळाले नाही तर नारायण लवाटे इरावती लवाटेंची हत्या करतील आणि त्यानंतर लवाटे मृत्यूदंडाची शिक्षा भोगतील आणि मरण पत्करतील, असे माध्यमांना त्यांनी सांगितले आहे.
८६ वर्षांचे नारायण लवाटे तर ७९ वर्षांच्या इरावती लवाटे या आहेत. इच्छामरणाची मागणी राष्ट्रपतींकडे करून त्यावर काहीही उत्तर न आल्याने या दाम्पत्याने आता स्वतःच्या हत्येची योजना आखली आहे. इरावती यांनी स्वतःच्या पतीला पत्र लिहून स्वतःला संपवण्याची मागणी केली आहे. पत्नीला मारल्यानंतर पतीलाही मृत्यूदंडाची शिक्षा मिळेल, असे त्यांचे मत आहे.
चर्नीरोडजवळच्या ठाकुरद्वारमध्ये लवाटे दाम्पत्य राहते. या दाम्पत्याला मुल-बाळ नाही आहेत. आपला वयानुसार समाजासाठी काहीही उपयोग नसून स्वतःचा सांभाळ करण्यासाठी आपण आता सक्षम नसल्याचे या दाम्पत्याला वाटत आहे. केईएम हॉस्पिटलने अरूणा शानबाग यांना इच्छामरण मिळावे, यासाठी दया याचिका दाखल केली होती ते वाचूनच या दाम्पत्याने इच्छामरणाची याचिका दाखल केली.
या दाम्पत्याने राष्ट्रपती रामनाथ कोविंद यांच्याकडे २१ डिसेंबर रोजी इच्छामरणाची मागणी केल होती. आम्ही ३१ मार्च २०१८ पर्यंत उत्तराची वाट पाहू, असे या जोडप्याने पत्रात नमूद केले होते. पण पत्र पाठवून दोन महिने उलटत असून त्यांच्या पत्राला गांभीर्याने घेतले नसल्याने त्यांनी एकमेकांच्या हत्येची योजना आखली आहे.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
