व्हीएस न्युज - राज्याच्या तिजोरीत निधीची कमतरता आहे अशी चर्चा असताना फडणवीस सरकारने भाजपाच्या दोन नेत्यांचे 59 लाख रुपये माफ केल्याची माहिती समोर आली आहे. माहितीच्या अधिकारात ही माहिती समोर आली आहे असे माहिती अधिकार कार्यकर्ते अनिल गलगली यांनी म्हटले आहे. न्यूज 18 लोकमत या वृत्तवाहिनीशी बोलताना त्यांनी ही माहिती दिली.
डॉ. विजयकुमार गावित यांचे 43 लाख 84 हजार रुपये आणि एकनाथ खडसे यांचे 15 लाख 49 हजार रुपये माफ करण्यात आल्याचे गलगली यांनी स्पष्ट केले. तशा सूचनाही सार्वजनिक बांधकाम खात्याला देण्यात आल्या आहेत. एकनाथ खडसे मंत्री असताना रामटेक या बंगल्यावर राहात होते. तर विजय कुमार गावित हे आघाडी सरकारच्या काळात सुरुची या सदनिकेत राहात होते.
एकनाथ खडसेंनी मंत्रीपद सोडल्यावरही काही दिवस बंगला रिक्त केला नाही. त्या संपूर्ण कालावधीचे भाडे 15 लाख 49 हजार 974 रुपये होते. तर विजय कुमार गावित यांच्या सदनिकेचे 43 लाख 84 हजार 500 रुपये भाडे थकीत होते. या दोन्ही नेत्यांनी हे भाडे माफ करण्याची विनंती केली. विशेष बाब म्हणून या दोन्ही नेत्यांचे थकीत भाडे माफ करण्यात आले.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
