व्हीएस न्यूज - पुढील वर्षापासून महाराष्ट्र व गोव्यातील नागरिकांना राज्यांतील टपाल कार्यालयामधून (पोस्ट ऑफिस) आधार कार्ड मिळणार आहेत. या दोन्ही राज्यांमधील १२००हून अधिक पोस्ट कार्यालयांमध्ये आधार क्रमांकासाठी नोंदणी प्रक्रियाही २०१८पासून सुरू होणार असल्याची माहिती महाराष्ट्र व गोवा सर्कलचे मुख्य पोस्ट मास्तर जनरल एच. सी. अगरवाल यांनी दिली.
या सुविधेमुळे ज्या नागरिकांकडे अद्याप आधार कार्ड नाहीत, त्यांना पोस्टात जाऊन आधार कार्ड तयार करुन घेता येणार आहे. गोवा आणि महाराष्ट्रातील एकूण २ हजार २१६ पोस्ट कार्यालयांपैकी १ हजार २९३ कार्यालयंमध्ये ही सुविधा उपलब्ध करुन देण्यात येणार असल्याचे अगरवाल यांनी सांगितले. या सुविधेमुळे सध्या आधार कार्ड केंद्रांवरील गोंधळ आणि त्यांच्या मर्यादित संख्येमुळे नागरिकांना सहन करावा लागणारा मनस्ताप कमी होईल. पोस्टात आधार कार्ड काढण्याची सुविधा मिळाल्याचा सर्वाधिक फायदा ग्रामीण भागातील जनतेला होईल. दोन्ही राज्यांमधील पोस्टामधील कर्मचाऱ्यांना आधार कार्ड संदर्भातील प्रशिक्षण देण्यात येत असल्याचे अग्रवाल यांनी सांगितले. चार हजार कर्मचाऱ्यांना आधार कार्ड तयार करण्याचे प्रशिक्षण देण्यात येत आहे.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
