व्हीएस न्यूज - पुण्याच्या कोंढवा परिसरात एका २३ वर्षीय तरूणीवर सामूहिक बलात्कार झाल्याची धक्कादायक घटना उघडकीस आली आहे. ही तरूणी येरवडा परिसरात वास्तव्याला होती. घरच्यांशी कडाक्याचे भांडण झाल्यामुळे रागाच्या भरात ही तरूणी रात्रीच्यावेळी घरातून बाहेर पडली. यावेळी तिने नातेवाईकांकडे जाण्यासाठी रिक्षा पकडली. मात्र, रिक्षाचालकाने रात्रीच्या वेळी रस्त्यावर कोणीही नसल्याचा फायदा घेत तिला निर्जनस्थळी नेले. याठिकाणी त्याने आपल्या दोन मित्रानांही बोलवून घेतले. त्यानंतर या तिघांनी मिळून या मुलीवर बलात्कार केला. या घटनेमुळे कोंढवा परिसरात प्रचंड खळबळ उडाली आहे. या घटनेनंतर पोलिसांनी सतीश जयपाल माने (वय २३) आणि मारुती शिंदे (वय ३१) या दोन नराधमांना सिद्धार्थनगर येथून अटक केली. तर आणखी एकजण फरार असल्याचे पोलिसांनी सांगितले.

पीडित मुलीने पोलिसांना दिलेल्या माहितीनुसार, आरोपींनी तिला निर्जनस्थळी नेऊन दारू पाजली. त्यानंतर बळजबरीने शरीरसंबंध ठेवायला भाग पाडले. तसेच या घटनेची वाच्यता केल्यास ठार मारु अशी धमकीही दिली. बलात्कार केल्यानंतर आरोपींना आपल्याला कॅम्प परिसरातील एम जी रोडवर सोडून दिल्याचे तरूणीने तक्रारीत म्हटले आहे.

व्हीएस न्यूज - देशातील युवक हे भारताचे भविष्य आहे. देशाला प्रगती पथावर नेण्यासाठी युवकांना सक्षमपणे स्वत:च्या पायावर उभे करणे आवश्यक आहे. त्यासाठी आजच्या युवकांना केंद्रीय मंत्री रामविलास पासवान यांच्या सारख्या ज्येष्ठ नेत्याच्या मार्गदर्शनाची आणि संसदीय बोर्ड समितीचे अध्यक्ष खासदार चिराग पासवान सारख्या युवा नेतृत्वाची गरज आहे. असे प्रतिपादन लोक जनशक्ती पार्टीचे प्रदेश अध्यक्ष शमिम हवा यांनी केले.

लोक जनशक्ती पार्टी (युवा) पिंपरी चिंचवड शाखेचे शहराध्यक्ष धुराजी राणुजी शिंदे यांनी शनिवारी (दि. 9 डिसेंबर) पिंपरीतील नारायण मेघाजी लोखंडे सभागृहात आयोजित केलेल्या कार्यकर्ता मेळाव्यात शमिम हवा यांनी मार्गदर्शन केले. यावेळी मेळाव्याचे अध्यक्ष धुराजी शिंदे, युवा प्रदेश अध्यक्ष मोहन अनमोलू, प्रदेश सचिव सचिन जाधव, पुणे जिल्हा अध्यक्ष प्रशांत म्हस्के, कायदा सल्लागार ॲड. सुनिल जामनिक, शहर महिला अध्यक्षा सरिता जामनिक, उपाध्यक्षा शोभा वाळके, कार्याध्यक्ष दत्ता गोडसे, शहर प्रवक्ता चंद्रशेखर गायकवाड, शहर सचिव अरुण मैराळे, दिनकर ओव्हाळ, अनिल मखरे, सुभाष विद्यागर, डॉ. काशीनाथ बामणे, विनु वर्गिस, विनायक ओव्हाळ, कमल पारडे, सुमित बांबळ, कांचन जावळे, राहुल प्रधान, जावेद शेख आदींसह शहर पदाधिकारी व कार्यकर्ते उपस्थित होते.

शमिम हवा मार्गदर्शन करताना म्हणाले की, केंद्रीय मंत्री रामविलास पासवान यांच्या नेतृत्वाखाली स्थापन झालेला लोक जनशक्ती पार्टी हा पक्ष एनडीएचा घटक पक्ष आहे. त्यांच्या मार्गदर्शनाखाली सार्वजनिक अन्न धान्य व वितरण व्यवस्थेमार्फत राज्यातील ग्रामिण गोरगरिब जनतेला सुरळीत स्वस्त धान्य पुरविण्यासाठी आम्ही पाठपुरावा करीत आहोत. तसेच युवा खासदार चिराग पासवान यांच्या मार्गदर्शनखाली सुशिक्षित बेरोजगार युवकांना केंद्र व राज्य सरकारच्या विविध अर्थ सहाय्य योजनेतून उद्योग व्यवसाय उभारण्यासाठी मदत करण्यात येत आहे. लोक जनशक्ती पार्टी हा पक्ष राज्यातील गोरगरिब जनतेला, युवकांना, दलित, आदिवासींना त्यांचा न्याय हक्क मिळवून देण्यासाठी प्रयत्न करीत आहेत. शहरी भागातील सामान्यांचे प्रश्न सोडविण्यासाठी आता लक्ष केंद्रीत करण्यात येत आहे. त्याअंतर्गत शहरातील पहिला कार्यकर्ता मेळावा अध्यक्ष धुराजी शिंदे यांच्या नेतृत्वाखाली आयोजित करण्यात आला आहे. तळागाळातील सर्व कार्यकर्त्यांना बरोबर घेऊन रामविलास पासवान यांचे विचार व धोरणे जनते पर्यंत पोहचविण्यासाठी धुराजी शिंदे प्रयत्न करीत आहेत. केंद्र सरकारने राष्ट्रीय युवा आयोगाची स्थापना करावी. याबाबत खासदार चिराग पासवान यांच्या नेतृत्वाखाली देशभर युवकांचे संघटन करुन जनजागृती करण्यात येत आहे. आगामी विधानसभा निवडणूकीत पश्चिम महाराष्ट्र, विदर्भ, मराठवाड्यात लोजपा आपले उमेदवार उभे करण्यासाठी संघटना बांधणी करीत आहे. असे शमिम हवा यांनी सांगितले. स्वागत शहराध्यक्ष धुराजी शिंदे, सुत्रसंचालन दिनकर ओव्हाळ आणि आभार अरुण मैराळे यांना मानले.

व्हीएस न्युज - पुण्यात होणाऱ्या सनबर्न फेस्टिवलवरुन पुन्हा एकदा रण पेटले आहे. पुण्यात सनबर्न फेस्टिव्हल होणार की नाही? याचे उत्तर आज मिळणार आहे.बावधन परिसरातील नागरिकांनी सनबर्नला विरोध केला, तसेच नाशिकच्या फ्रावशी इंटरनॅशनल स्कूलचे संचालक रतन लथ यांनी याविरोधात कोर्टात याचिका दाखल केली आहे.

थोड्याच वेळात सनबर्नच्या याचिकेवर न्यायमूर्ती शंतनू खेमकर आणि राजेश केतकर यांच्या खंडपीठासमोर सुनावणी होईल.
आधी सनबर्न फेस्टिवल पिंपरी चिंचवड परिसरातील मोशीमध्ये होणार होता. मात्र तिथल्या स्थानिकांनी विरोध केल्याने ठिकाण बावधनला हलवण्यात आले.
दरवर्षी नव्या वर्षाच्या स्वागतासाठी सनबर्न फेस्टिवलचे आयोजन करण्यात येते.
देशातील आघाडीचे गायक आणि डीजे आर्टिस्ट यांच्या लाईव्ह परफॉर्मन्समुळे तरुणाईमध्ये सनबर्नच मोठे आकर्षण आहे. मागील नऊ वर्षे सनबर्न गोव्यामध्ये आयोजित होत होता, त्यानंतर गेल्या वर्षी तो पुण्यातील केसनंद या गावात झाला होता.

व्हीएस न्युज - पुणे-नाशिक राष्ट्रीय महामार्गावरील नाशिकफाटा ते चांडोली (खेड) रस्ता सहापदरीकरण या २९.९३ कि.मी. लांबीच्या १०१३.७८ कोटी रकमेच्या कामास भाजप सरकार आणि आमदार महेश लांडगे यांच्या अथक पाठपुराव्यामुळे मान्यता मिळाली आहे. खासदारांनी त्याचे फुकटचे श्रेय घेण्याचा प्रयत्न करु नये, असा पलटवार पिंपरी पालिकेचे सभागृह नेते एकनाथ पवार यांनी केला आहे.

व्हीएस न्युज - दुस-या व्यक्तीच्या नावाने पासपोर्टद्वारे भारतात वास्तव्य करणा-या नायजेरीयन तरुणा विरोधात सांगवी पोलीस ठाण्यात तक्रार दाखल करण्यात आली आहे.

व्हीएस न्युज - भारतीय सैन्याला सलाम करण्यासाठी ‘मराठा वॉरियर्स’ची सायकलवारी पुणे ते वाघा बॉर्डरला रवाना झाली. खासदार छत्रपती संभाजीराजे यांच्या प्रमुख उपस्थितीत या दहा धाडसी तरूणांच्या टीमचा आज सकाळी सायकल प्रवास सुरू झाला.

व्हीएस न्युज - पुणे मेट्रो पहिल्याच टप्यात निगडीपर्यंत धावणार आहे. पुणे मेट्रोचे काम निगडीपर्यंत सुरु करण्याची मागणी, आमदार महेश लांडगे यांनी मुख्यमंत्री देवेंद्र फडणवीस यांची भेट घेऊन केली. मुख्यमंत्री फडणवीस यांनी मेट्रो पहिल्याच टप्यात निगडीपर्यंत नेण्याबाबत सकारात्मक निर्णय घेण्याचे आश्वासन दिले आहे, असे आमदार लांडगे यांनी सांगितले. नागपूर येथील हिवाळी अधिवेशनादरम्यान आमदार महेश लांडगे यांनी मुख्यमंत्री देवेंद्र फडणवीस यांची भेट घेऊन पुणे मेट्रो पहिल्याच टप्यात निगडीपर्यंत नेण्याची विनंती केली. याबाबतच्या मागणीचे मुख्यमंत्र्यांना निवेदन देखील दिले.

महाराष्ट्र राज्‍य डेन्टल असोसिएशनच्या राज्‍य परिषदेचा चिंचवडमध्ये समारोप

व्हीएस न्यूज - 'पल्‍प स्टेमसेल्‍स'चा वापर ज्या पध्दतीने वैद्यक शास्‍त्रात होतो. त्याच प्रमाणे 'डेन्टल पल्‍प स्टेमसेल्‍स' चा वापर डायबेटीस, न्युरॉलॉजी अशा रुग्णांवर उपचार करण्यासाठी होऊ शकतो. या उपचार पध्दतीला अद्याप शासनाची मान्यता मिळालेली नाही. आयडीए आणि त्यांच्या संलग्न संस्थांनी या उपचार पध्दतीस मान्यता मिळविण्यासाठी शासनाकडे प्रयत्न करावेत, अशी अपेक्षाही डॉ. एस. शंकरनारयणन यांनी व्यक्‍त केली.

चिंचवड येथे आयोजित केलेल्‍या इंडियन डेन्टल असोसिएशनच्या महाराष्ट्र राज्‍य डेन्टल असोसिएशनच्या 56 व्या राज्‍य परिषदेच्या समारोप सत्रात 'टिश्यू इंजिनिअरिंग ॲण्ड सेल बेस थेरपी इन डेन्टिस्ट्री' या विषयावर डॉ. शंकरनारायणन यांची वायसीएम रुग्णालयाचे दंत विभाग प्रमुख डॉ. यशवंत इंगळे व डॉ. डी. वाय. पाटील दंत महाविद्यालयाच्या डॉ. सुप्रिया खेऊर यांनी प्रकट मुलाखत घेतली. डॉ. शंकरनारायणन यांनी दंतवैद्यकीय शास्‍त्रामध्ये नाविन्यपूर्ण कल्‍पनांचा वापर करून नवीन उपचार पध्दती विकसित केली आहे. सामान्यपणे दातांवरील शस्‍त्रक्रिया करत असताना अजूनही काही पारंपरिक पध्दतींचा वापर केला जातो. ज्‍या पध्दतीने अन्य वैद्यकीय क्षेत्रांमध्ये नवीन संशोधन करून उपचार पध्दतींमध्ये 'मेडी-इंजिनिअरिंग' चा वापर करून अवघड शस्‍त्रक्रिया कमी वेळेत व कमी खर्चात केल्‍या जातात. अशाच पध्दतीने दंत वैद्यकीय शास्‍त्रातील उपचार पध्दतींमध्ये देखील संशोधनाव्दारे नाविन्यपूर्ण कल्‍पना, उपचार पध्दती विकसित करण्याची गरज असल्‍याचे डॉ. शंकरनारायणन यांनी स्पष्ट केले.

मनुष्यावर विविध प्रकारच्या शस्‍त्रक्रिया करताना आवश्यकता असल्‍यास आपली त्‍वचा, रक्‍तपेशी, केस आदींचा वापर केला जातो. दंतवैद्यक शास्‍त्रामध्ये रुग्णांच्या दातांवर शस्‍त्रक्रिये वेळी दाताच्या गाभ्यातील पेशी तयार करण्यासाठी'डेन्टल पल्‍प स्टेमसेल्‍स'चा वापर करता येऊ शकतो, असे प्रतिपादन ज्येष्ठ दंत वैद्य प्रा. डॉ. एस. शंकरनारायणन यांनी व्‍यक्‍त केले. या नव्याने विकसित केलेल्‍या उपचार पध्दतीस शासनाने लवकरात लवकर मंजुरी द्यावी, अशी अपेक्षा त्‍यांनी व्यक्‍त केली.

यावेळी इंडियन डेन्टल असोसिएशनचे अध्यक्ष डॉ. विश्वास पुराणिक, सचिव डॉ. अशोक ढोबळे, राज्य संघटनेचे अध्यक्ष डॉ. विकास पाटील, सचिव डॉ. नितीन बर्वे, ज्‍येष्ठ सल्‍लागार डॉक्‍टर माऊली फरांदे, पिंपरी चिंचवड शाखेचे अध्यक्ष डॉ. प्रमोद वाघमारे, सचिव डॉ. मनिषा गरुड, डॉ. राकेश प्रसाद, डॉ. अभिजीत फरांदे, डॉ. मनिष फरांदे, डॉ. श्रीकांत गर्जे, डॉ. संदीप भिरूड, डॉ. निखिल दिवाण, डॉ. जुई तुपे, डॉ. दिपाली पटेकर, डॉ. दिनेश चव्हाण, डॉ. अमित पाटणकर, डॉ. सचिन कोचेकर आदींसह राज्‍यभरातून आलेले शेकडो विद्यार्थी उपस्थित होते.

व्हीएस न्यूज – अखिल भारतीय सफाई मजदुर कॉंग्रेस कामगार संघटनेचे राष्ट्रीय महामंत्री डॉ. सुधाकरन पणीकर यांनी पिंपरी चिंचवड महानगरपालिकेतील सफाई कामगारांच्या विविध समस्यांबाबत आयुक्त श्रावण हर्डीकर व संबंधित अधिकारी यांच्या समवेत सोमवार दि.११ डिसेंबर २०१७ रोजी आढावा बैठक घेतली.

आयुक्त कार्यालयात झालेल्या या बैठकीस आरोग्य कार्यकारी अधिकारी विजय खोराटे, सहाय्यक आयुक्त चंद्रकांत इंदलकर, कार्यकारी अभियंता देवाअण्णा गट्टुवार, प्रशासन अधिकारी राजेश आगळे, रमेश वस्ते, सहाय्यक आरोग्याधिकारी गणेश देशपांडे, कामगार कल्याण अधिकारी विजय साबळे, अखिल भारतीय सफाई मझदूर कॉग्रेस पिंपरी चिंचवड शहर जिल्हा अध्यक्ष संतोषकुमार नायडू, उपाध्यक्ष प्रेमचंद चनाल, राजू परदेशी, कार्याध्यक्ष राजू खैरे, सरचिटणीस दिलीप मोटा, कायदा सल्लागार अँन्थोनी बनसोडे, सदस्य राजेश टक्कले, सुरेश जाधव, रमेश विटकर, बबन छजलाने, रेखा सरपटा, शांताराम बाल्मिकी, अजय चव्हाण, भारत

आवडे आदी उपस्थित होते. या बैठकीत लाड समितीच्या शिफारसीनुसार मिळणा-या सुविधा व त्यांची अंमलबजावणीबाबत, सफाई कामगारांची रिक्त पदे भरणेबाबत, सफाई कर्मचारी यांना शासकीय सुट्टीच्या दिवशी काम केल्याबद्दल दिडपट वेतन अदा करणेबाबत, सुधारीत आश्वासित प्रगती योजने अंतर्गत पहिला व दुसरा लाभ मंजुर करताना शैक्षणिक अहर्ता व जात पडताळणी अट शिथिल करणेबाबत, सफाई कर्मचारी यांना घरे बांधून देणेबाबत, वैद्यकीय विभागातील कर्मचारी यांना शनिवारचे दिवशीचे कामकाज वेळेबाबत,आजारी असलेल्या कर्मचारी यांचे बदली बाबत, सफाई कर्मचारी तक्रार निवारण समितीचे पुनर्गठन करण्याबाबत तसेच तदअनुषंगिकमहानगरपालिकेतील सफाई कामगारांच्या विविध समस्यांबाबत चर्चा करण्यात आली. बैठकीत माडण्यात आलेल्या सफाई कामगारांच्या विविध समस्यांबाबत लवकर कार्यवाही करणेबाबत डॉ. सुधाकरन पणीकर यांनी मागणी केली. तसेच महापालिकेने सफाई कर्मचा-यासंबंधी केलेल्या इतर कामांबाबत समाधान व्यक्त केले.

व्हीएस न्यूज - कर्तव्य रजा मंजूर केली नाही म्हणून विशेष कार्य अधिकार्याने वायसीएम रूग्णालयाच्या वैद्यकीय अधिक्षकाला धमकी दिल्याच्या निषेधार्थ कर्मचा-यांनी आज रुग्णालयासमोर आंदोलन केले.

कर्तव्य रजा मंजूर केली नाही म्हणून यशवंतराव चव्हाण स्मृती रुग्णालयातील विशेष कार्य अधिकारी डॉ. पद्माकर पंडित यांनी वैद्यकीय अधिक्षक डॉ. मनोज देशमुख यांना शुक्रवारी (दि.८) धमकी दिली होती. ‘माझी पोहोच खूप वरपर्यंत आहे, मी तुम्हा सगळ्यांना बघून घेईल’. माझ्या नादाला लागाल तर मी सगळ्यांची वाट लावीन, अशी धमकी दिली होती. याबाबत डॉ. देशमुख यांनी महापालिका आयुक्त श्रावण हर्डीकर यांच्याकडे तक्रार केली आहे. तसेच डॉ. पंडित यांच्याविरोधात गुन्हा दाखल करण्याची मागणी देखील केली आहे. दोन दिवस महापालिकेला सुट्टी होती. त्यामुळे धमकी प्रकरण शांत होते. सोमवारी कामकाज सुरु होताच वायसीएमएचच्या रुग्णालयातील डॉक्टर,कर्मचा-यांनी रुग्णालयाच्या प्रवेशद्वारासमोर काही काळ आंदोलन केले.