व्हिएस न्यूज - मोबाईल उत्पादक कंपनी सोनीने आपल्या एक्सपीरिया XZs च्या किंमतीत मोठी कपात केली असून या फोनच्या किंमतीत १३ हजार ६०० रुपयांची कपात करण्यात आली आहे. त्यामुळे हा फोन आता ३६ हजार ३९९ रुपयात उपलब्ध आहे.

ब्ल्यू, वार्म सिल्व्हर आणि ब्लॅक कलरमध्ये सोनी एक्सपीरिया XZs उपलब्ध असेल. या फोनमध्ये १९ मेगापिक्सेलचा मोशन आय कॅमेरा देण्यात आला आहे. ज्यात ९६० फ्रेम/सेकंडच्या वेगाने सुपर स्लो मोशन व्हिडिओ रेकॉर्ड केला जाऊ शकतो. 4K व्हिडिओही या फोनमध्ये रेकॉर्ड केला जाऊ शकतो. १९ मेगापिक्सेल प्रायमरी कॅमेरा आणि १३ मेगापिक्सेल फ्रंट कॅमेरा या फोनमध्ये देण्यात आला आहे. शिवाय ४जीबी रॅम आणि ६४जीबी इंटरनल स्टोरेज देण्यात आले आहे.

व्हिएस न्यूज - शासनाच्या विविध योजनांचा लाभ ज्येष्ठ नागरिकांना मिळावा, यासाठी राज्य सरकारकडून ६५ वयाची मर्यादा घालण्यात आली. पण लवकरच ही वयोमर्यादा कमी होण्याची शक्यता आहे. आता ६५ वरून ज्येष्ठ नागरिकांचे वय ६० करण्यात येणार असल्याचे आश्वासन राज्याचे सामाजिक न्यायमंत्री राजकुमार बडोले यांनी दिले आहे.

सध्या राज्यात ६५ वर्षांवरील व्यक्ती ज्येष्ठ नागरिक म्हणून राज्य सरकारच्या सवलत घेऊ शकतात. पण या सवलतीचा लाभ त्यापेक्षा कमी वय असलेल्या नागरिकाला घेता येत नाही. त्यानंतर राज्य सरकार आता अशा सर्व नागरिकांसाठी वयोमर्यादा कमी करण्याच्या तयारीत आहे, याबाबतचे आश्वासन बडोले यांनी दिले आहे.

व्हिएस न्यूज - ११ डिसेंबरला इटलीच्या टस्कनीमध्ये भारताचा कर्णधार विराट कोहली आणि बॉलीवूड अभिनेत्री अनुष्का शर्मा विवाहबंधनात अडकले.

रोममध्ये या नवविवाहित दाम्पत्याने हनीमून साजरा केला. आता विराट आणि अनुष्का भारतात परतल्यानंतर अनेक नेत्यांनी त्यांचे लग्न आणि देशभक्तीवरुन सवाल उपस्थित करण्यास सुरुवात केली आहे. भाजप आमदार पन्नालाल शाक्य यांच्यानंतर आता काश्मीर पार्टीचे नेते राकिफ वाणीनेही विराट-अनुष्कावर निशाणा साधला आहे.

याबाबत मिळालेल्या माहितीनुसार, विराट-अनुष्काने रोममध्ये हनीमून साजरा केल्यावरुन वाणीने त्यांच्यावर टीका केली आहे. विराट आणि अनुष्का ज्यांना चाहते विरुष्का असे म्हणतात. त्यांनी हनीमूनसाठी फिनलँड हे ठिकाण निवडले. भारतात अशी अनेक ठिकाणी आहेत जिथे हे जोडपे हनीमूनसाठी जाऊ शकले असते. कारण हनीमूनसाठी काश्मीर ज्याला पृथ्वीवरील स्वर्ग म्हटले जाते अशा ठिकाणी जाऊ शकले असते. यामुळे पर्यटनाला चालना मिळाली असती, असे वाणी म्हणाले.

व्हिएस न्यूज - एनर्जेटिक ब्लू या रंगातील व्ही७ हा स्मार्टफोन चीनी स्मार्टफोन निर्माता कंपनी व्हिवोने लाँच केला. १८,९९० रुपये इतकी या स्मार्टफोनची किंमत आहे. याची ऑनलाईन आणि ऑफलाईन या दोन्ही ठिकाणी विक्री सुरु करण्यात आली आहे.

व्हीवो व्ही७ मध्ये २४ मेगापिक्सेल सेल्फी आणि १६ मेगापिक्सेल रिअर कॅमेरा देण्यात आला आहे. त्याचबरोबर ४ जीबी रॅम, ३२ जीबी इंटरनल मेमरी, फुल एचडी व्ह्यू डिस्प्ले आणि ३०००एमएएच क्षमतेची बॅटरी देण्यात आली आहे. त्याचबरोबर मून लाईट ग्लो आणि फेस अॅक्सेस फीचरही देण्यात आले आहे.

व्हिवोने याआधी हा स्मार्टफोन मॅट ब्लॅक आणि शँपेन गोल्ड या दोन कलरमध्ये लाँच केला होता. खास सेल्फीप्रेमींसाठी गेल्या महिन्यात हा स्मार्टफोन लाँच केला होता. ई-कॉमर्स वेबसाईट फ्लिपकार्टवरुन फोन घेतल्यास १८ हजार रुपयापर्यंतची एक्सचेंज ऑफरही दिली जात आहे. त्यासोबतच व्हिवोकडून एका वर्षापर्यंत रिप्लेसमेंट ऑफरही दिली जात आहे.

व्हिएस न्यूज - इंटरनेट विश्वातली जायंट सर्च इंजिन ‘गूगल’कडे तुम्ही काय ‘सर्च’ करता, तुमचा आवडता पदार्थ कोणता, तुम्ही कुठे कुठे जाता, कोणत्या वेबसाईटना भेट देता, याची सर्व माहिती असते. हे खरे आहे… जगातील सगळ्यात लोकप्रिय सर्च इंजिनकडे तुमची सर्वच माहिती आहे, तुमच्या प्रत्येक क्षणाची, तुम्ही एकटे राहात असाल, तरीही… गूगलच्या अटी आणि शर्तीच्या भल्या मोठ्या करारनाम्यात गूगलची सेवा वापरताना मिळत असलेल्या तुमच्या माहितीविषयी आमच्यावर विश्वास ठेवा, असे पहिले वाक्य आहे.

पण आता तुम्हाला हे माहीत आहे का, गूगलने ही जमा केलेली सर्व माहिती नष्ट करण्याची व्यवस्थाही ‘गूगल’नेच करून दिली आहे. गूगलच्या ‘My activity’मध्ये साठवलेली सगळी माहिती नष्ट करण्याची व्यवस्था करून देण्यात आली आहे. त्यासाठी तुम्हाला आम्ही आज काही ट्रिक सांगणार आहोत.

आपल्या गूगल खात्याशी आपण करत असलेला प्रत्येक गूगल सर्च जोडला जातो. त्याचबरोबर आपली गूगलवर सुरू असलेली प्रत्येक हालचाल टिपली जाते, मग ते जीमेलवर पाहिलेला एखादा ईमेल असो वा गूगल फॉर्म्समध्ये भरलेला एखादा फॉर्म असो. ‘My Activity’ नावाच्या फोल्डरमध्ये ती सगळी माहिती जमा होते आणि तिथूनच ती डिलीट करता येते. तारीखवार माहिती शोधण्याचाही पर्याय त्यात देण्यात आहे. या फोल्डरमधली सगळीच माहिती तुम्ही नष्ट करू शकता किंवा एखादी विशिष्ट माहिती शोधूनही काढून टाकू शकता.

“All products” आणि “All time” हे पर्यायही माहिती नष्ट करण्यासाठी आहेतच. हे पर्याय निवडताच, त्याचे काय काय परिणाम होतील, हे सांगणारा एक इशारा गूगलकडून तुमच्या स्क्रिनवर झळकेल. प्रत्यक्षात, गूगलमधील तुमच्या शोधाचा इतिहास, म्हणजेच सर्च हिस्ट्री किंवा गूगलवरील तुमच्या भटकंतीची माहिती अर्थात ब्राउझिंग हिस्ट्री डिलीट केल्याचे कोणतेही परिणाम आपल्या गूगल खात्यावर किंवा त्या अॅप्लिकेशनवर होत नाही.

जगातील सर्वांत मोठी व्हिडीओ स्ट्रीमिंग साईट म्हणजे युट्यूब. आता युट्युबवर जगातील कुठलाही लोकप्रिय व्हिडीओ तिथेच सापडतो, आपल्याला तो फक्त तेवढा शोधावा लागतो. गूगलचे आपण यूट्यूबवर काय शोधतो आणि काय बघतो त्यावरही लक्ष असते. पण ती माहितीही डिलीट करता येते. यूट्यूबमध्ये डाव्या हाताला असलेल्या मेनूमधील हिस्ट्रीवर क्लिक करा. त्यातील Clear all search history आणि Clear watch history हे पर्याय निवडा.

आपली सगळी माहिती गूगल साठवून ठेवते, पण आपण वावरत असलेल्या वेबसाइट्सवर त्या माहितीच्या आधारे जाहिरातीही दाखवते. म्हणजेच आपण त्यांच्या सेवा वेबसाईटवर येणाऱ्या अॅड काय शोधले, पाहिले किंवा केले, यावरून ठरवण्यात येतात. म्हणूनच आपण केलेल्या सर्च किंवा ब्राउझिंगशी मिळत्या जुळत्या जाहिराती आपल्याला दिसू लागतात. पण काळजी करू नका! नेमकी कोणती माहिती जाहिरातदारांना गूगलने दिली, हे आपण शोधू शकतो. त्यासाठी तुम्हाला तुमच्या गुगल खात्यात लॉग इन करून Personal info & privacy या मेनूत जावे लागेल. तिथे गेलेल्या Ads Settingsचा पर्याय निवडा आणि त्यात Manage ads settingsमध्ये जाऊन त्यात, Ads personalisation हा पर्याय दिसेल. तो जर Deactivate किंवा निष्क्रीय केल्यानंतर आपल्या इंटरनेट ब्राउझिंगवर आधारित जाहिराती थांबतील. त्यावेळी गुगल तुम्हाला तसे करणे हे तुमच्या हिताचे नसल्याचे सांगेल. त्यामुळे आपल्याला तशा जाहिराती हव्यात का, हे ठरवून मगच निर्णय घ्यावा. पण जाहिरातच नको, असा पर्याय मात्र गूगलने दिलेला नाही.

जर अँड्रॉईड फोन तुम्ही वापरत असाल तर गूगल आपल्या लोकेशनची म्हणजेच आपण कुठे गेलो, याची माहितीही साठवून ठेवते. गूगल मॅपवरची ही माहिती डिलीट करण्यासाठी त्या पेजवर गेल्यावर लोकेशन ट्रॅकिंगचे बटण बंद करायचे. तसेच, सगळी किंवा विशिष्ट माहिती डिलीट करायची. त्यासाठी Waste basket हा पर्याय निवडून एखादा विशिष्ट प्रवास किंवा थांबा काढून नष्ट करता येतो.

व्हिएस न्यूज – इंदूरच्या महापौरांनी रस्त्यावर थुंकून परिसर अस्वच्छ करणाऱ्यांवर जरब बसवण्याकरिता एक नवा नियम जारी करण्याचे ठरवले असल्यामुळे रस्त्यावर थुंकणाऱ्यांकडून यापुढे दंड तर आकारण्यात येईलच पण, रेडिओ आणि वर्तमान पत्रांतूनही अशा लोकांची नावे यापुढे जाहीर करण्यात येणार असल्याचे इंदूरच्या महापौर मालिनी लक्ष्मण सिंग गौड यांनी एक वृत्त संस्थेला सांगितले आहे.

देशातील स्वच्छ शहरांच्या यादीत मध्य प्रदेशची आर्थिक राजधानी असलेल्या इंदूर शहराला स्थान मिळाले असल्यामुळे भविष्यातही स्वच्छ शहराचा दर्जा कायम राहावा यासाठी सध्या प्रयत्न सुरू आहेत. त्यामुळे पान, गुटखा खाऊन जागोजागी पिचकाऱ्या मारणाऱ्यांवर यापुढे कारवाई करण्यात येईल आणि त्यांच्याकडून ५०० रुपये दंड आकारण्यात येणार असल्याचे गौड यांनी सांगितले. त्याचबरोबर त्यांची नावेही स्थानिक रेडिओद्वारे जगजाहीर करण्यात येतील असेही त्यांनी म्हटले आहे.

व्हिएस न्यूज – प्रभू रामांसाठी लोकरीचे कपडे आणि एका रुम हिटरची मागणी विश्व हिंदू परिषदेने केली असून फैजाबादच्या विभागीय आयुक्तांकडे यासंदर्भात परिषदेने तशी याचिका सादर केली आहे. राममंदिर वादामध्ये याप्रकरणामुळे आणखी ठिणगी पडण्याची चिन्हे दिसत असून, सध्या हिवाळ्यातही या मुद्द्यावरून वातावरण गरम झाले आहे.

थंडीचे दिवस सध्या सुरू असल्यामुळे या याचिकेमधून श्रीरामांना थंडी वाजू नये यासाठी काही गरम कपडे आणि मंदिराचा गाभारा गरम ठेवण्यासाठी हिटरची मागणी करण्यात आली आहे. एका पुजाऱ्यांने यावर राम मंदिरामध्ये हिटर लावण्यास विरोध केला आहे. कारण, सध्या रामांची मूर्ती ज्या ठिकणी ठेवण्यात आली आहे आणि हिटरमुळे तिथे आग लागण्याची शक्यता असल्यामुळे त्या पुजाऱ्यांनी हिटरची मागणी म्हणजे विश्व हिंदू परिषदेचा एक स्टंट असल्याची टीका केली.

सर्वोच्च न्यायालयाच्या परवानगी शिवाय विश्व हिंदू परिषदेच्या मागणीची पुर्तता ही अशक्य आहे. पण अशी मागणी करणारे मागील २५ वर्षात काय झोपले होते काय, असा सवाल करत हा केवळ प्रसिद्धीचा प्रकार असल्याचे एका पुजाऱ्याने म्हटले आहे. यापूर्वीच्या सरकारच्या काळात असे प्रकार झालेले दिसून येत नाहीत. पण उत्तर प्रदेशचे मुख्यमंत्री योगी आदित्यनाथ यांच्या सरकारमध्येच अशा प्रकारच्या याचिका करण्यात येत असल्याचे समोर येत आहे.

व्हीएस न्यूज – Amity स्कूल ऑफ इंजिनियरिंग अँड टेक्नॉलॉजीची माजी विद्यार्थिनी कथा चंदा हिला दरवर्षी १.०३ कोटी रुपये पॅकेज मिळाले आहे. अमेरिकन मायक्रोसॉफ्ट कंपनीने विद्यार्थिनीला नोकरीची ऑफर दिली आहे.

तिने Amityमध्ये बी.टेक (सीएसई) चे शिक्षण घेतले असून बीटेक करतानाच तिने सिंगापूर युनिव्हर्सिटी ऑफ टेक्नॉलॉजी आणि डिझाइनमधील एका मोठ्या प्रकल्पावर काम केले. तिची आवड शोध आणि परिवर्तनामध्ये आहे.

याबरोबरच तिने मेडिकल इमेजिंग समस्येवरही काम केले. कथा चंदा मायक्रोसॉफ्ट कंपनीतील नोकरीवर मार्चमध्ये रुजू होणार आहे. तिथे ती एका अशा टीमचा हिस्सा असेल ज्यात सुरक्षा व्यवस्था तयार केल्या जातात.

व्हिएस न्यूज – राष्ट्रवादी काँग्रेसचे विधीमंडळ पक्षनेते अजित पवार यांनी राज्यातील सर्व खात्यांच्या मस्तवाल अधिकाऱ्यांना दम भरत कुठल्याही लोकप्रतिनिधींचा अपमान यापुढे केला तर याद राखा. हे सभागृह त्यांना त्यांची जागा दाखवल्याशिवाय राहणार नाही, असे म्हटले आहे.

नाशिकमधील तहसिलदाराने राष्ट्रवादी काँग्रेस पक्षाच्या आमदार दीपिका चव्हाण यांचा अपमान केला होता. त्यामुळे दीड वर्षापूर्वी त्यांच्यावर विशेष अधिकार हक्कभंगाचा प्रस्ताव आणला गेला होता. परंतु, दीड वर्ष झाले तरी त्याच्यावर कारवाई झाली नसल्याचा मुद्दा सभागृहामध्ये चर्चेला आला. पक्षनेते अजित पवार या मुद्यावर आक्रमक झाले. सदस्यांना अधिकारी अशी वागणूक कशी देऊ शकतात. मस्तवालपणा करणाऱ्या आणि चुकीचे वागणाऱ्या अधिकाऱ्यावर कारवाई होत नाही. तो अधिकारी दीड वर्षाने कसा काय मॅटमध्ये जाऊ शकतो, असा संतप्त सवाल करत पवार यांनी सभागृहातील सर्व सदस्यांची बाजू घेतली.

राष्ट्रवादीचे गटनेते जयंत पाटील यांनीही विशेषाधिकार भंगाच्या मुद्यावर या चर्चेत भाग घेत, सदस्यांचे अधिकार अबाधित राखण्याची मागणी केली. राष्ट्रवादी काँग्रेस पक्षाच्या सदस्यांनी सदस्यांच्या हक्काबाबत सभागृहामध्ये मांडलेल्या मुद्द्याला सर्व सदस्यांनी पाठिंबा दिला. आमदारांच्या हक्कांचे जर विशेषाधिकार समिती संरक्षण करू शकत नसेल, तर ही समितीच बरखास्त करावी, असा संताप विरोधीपक्ष नेते राधाकृष्ण विखे पाटील यांनी व्यक्त केला.

व्हिएस न्यूज - बिहारमधील भोजपूर जिल्ह्य़ातील कुमारी सिंह हे नाव संपूर्ण जगासाठी प्रेरणास्थान बनले आहे. स्विसच्या महिला विश्व समिट फाउंडेशनच्या वतीने तिला तिच्या उत्कृष्ट कामासाठी वुमेन्स क्रिएटिविटी इन रुरल लाइफ पुरस्कार प्रदान करण्यात आला. उच्चवर्गाच्या मुलांसारखे दलित समाजातील मुलांना शिक्षण देण्याचे काम केल्याबद्दल तिला हा हा सन्मान देण्यात आला आहे. या मुलीने २०१४ मध्ये रत्नापूर गावातून आपल्या या काम सुरु केली.

कुमारी याबाबत सांगते कि अशा लहान मुलांना शिकवण्याची प्रेरणा तिला तिच्या आध्यात्मिक गुरुकडे गेल्याने मिळाली. देशभरातील १०१ खेडयातील मुलांना शिक्षण देण्याची तिची इच्छा आहे. हा सन्मान मिळवणारा ती सर्वात युवा उमेदवार आहे. कुमारी आपल्या परिसरातील त्या वर्गातील मुलांसाठी देखील काम करते ज्यांच्या पालकांकडे स्वतःच्या जमिनी नाहीत आणि ते फक्त मजुरी करून आपले पोट भरतात. कुमारीने सुरुवातीला या कार्यक्रमात शाळेतून येणा-या अशा मुलांना ट्यूशन देणे सुरु केले जे शाळेत आल्यावर फक्त फिरण्याचे काम करत होते.

लहान मुलांना शिकवत असताना तिने त्या मुलांच्या पालकांचाही त्यांच्यासोबत समावेश केला. तिने सर्वांना महिन्याला किमान २० रुपये बचत केली असे सांगितले. नंतर त्यांनी हा पैसा सर्वसाधारण बँकेत जमा करणे सुरू केले. जेव्हा गावातील लोकांनी यापासून फायदा व्हायला सुरुवात झाली, तेव्हा त्यांनी कुमारीजवळ जवळपासच्या गावातील महिलांनाही पाठविणे सुरू केले. याबरोबरच आजूबाजूच्या गावातील मुले व मुलीही तिच्याजवळ यायला लागले.

बघता बघता १०० मुलांसह सुरु केली शिकवणी १००० मुलांपेक्षा जास्त झाल्यानंतर कुमारीने लोकांच्या मदतीने गावातील जनतेसाठी हात पंप आणि शौचालये तयार केली.

[9:18 AM, 12/22/2017] Swayam Aswar Press:

व्हिएस न्यूज - प्राधिकरणातील शेतकऱ्यांना साडेबारा टक्के परतावा व पिंपरी पोलीस आयुक्तालयाच्या निर्णयाची तातडीने अंमलबजावणी या मागणीसाठी पिंपरीचे आमदार ॲड. गौतम चाबुकस्वार यांच्या नेतृत्वाखाली आज नागपूर येथे आंदोलन करण्यात आले.

नागपूर येथे सुरू असलेल्या हिवाळी अधिवेशनाच्या शेवटच्या टप्प्यात निर्णय होऊनही वेळकाढूपणा चालू असलेल्या पिंपरी चिंचवड शहरातील या दोन प्रश्नांसाठी विधानसभेतील पायऱ्यांवर उभे राहून सरकारचे लक्ष वेधून घेण्यात आले. आमदार चाबुकस्वार यांच्या नेतृत्वाखाली शिवसेनेचे सत्यजित पाटील, राजन साळवी, सुजीत मिंचेकर, सुरेश गोरे, प्रकाश आबीटकर आदी आमदारांनी यामध्ये भाग घेतला.

प्राधिकरणातील शेतकऱ्यांना साडेबारा टक्के जमिन परतावा मिळावा यासाठी आमदार चाबुकस्वार यांनी यापूर्वी तीन वेळा नगरविकास खात्याच्या राज्यमंत्र्यासमवेत बैठक घेतली होती. हा विषय अंतिम मान्यतेसाठी मुख्यमंत्र्याकडे प्रलंबित आहे. तशीच परिस्थिती शहरासाठी स्वतंत्र पोलीस आयुक्तालयाच्या निर्मितीबाबत झाली आहे. निर्णय झाला परंतू अर्थखात्याची मान्यता तसेच प्रशासकीय सुस्तपणामुळे हा देखील प्रश्न लटकून राहिला आहे. मार्च मध्ये झालेल्या अर्थसंकल्पीय अधिवेशनामध्ये आमदार चाबुकस्वार यांनी याप्रश्नी विधानसभेत लक्षवेधीही मांडली होती.

आज सकाळी या दोन प्रश्नांच्या मागणीचे बॅनर फडकावत आमदार चाबुकस्वार यांच्या नेतृत्वाखाली शिवसेनेचे सर्व आमदार विधानसभेतील पायऱ्यांवर आले. व त्यांनी आंदोलनास सुरूवात केली. यानंतर झालेल्या पत्रकार परिषदेत बोलताना आमदार चाबुकस्वार म्हणले की, पिंपरी चिंचवड शहरातील जनतेच्या जिव्हाळयाचे हे दोन प्रश्न आहे. गेली तीन वर्षे सातत्याने आपण हे प्रश्न सोडविण्याची मागणी करत आहोत. परंतू सरकार तातडीने निर्णय घेत नाही. येत्या दोन महिन्यात हे दोन्ही प्रश्न निकाली लागले नाही तर अधिक तीव्र आंदोलन करण्यचा इशारा त्यांनी यावेळी दिला.

व्हिएस न्यूज - ओकिनोवा कंपनीने त्यांची पहिली इलेक्ट्रीक स्कूटर प्रेझ भारतात मंगळवारी लाँच केली असून ही स्कूटर अगदी कमी खर्चात युजर चालवू शकणार आहे. ही स्कूटर चालविण्यासाठी प्रति किलेामीटर १० पैसे इतका मामुली खर्च करावा लागेल असा कंपनीचा दावा आहे. या स्कूटरचे प्री बुकींग सुरू झाले असून दोन हजार रूपये भरून ही नोंदणी करता येणार आहे. महिना अखेरी या स्कूटरची डिलिव्हरी सुरू होत आहे. कंपनीची भारतीय बाजारातील ही दुसरी स्कूटर आहे. यापूर्वी त्यांनी रिझ स्कूटर लाँच केली आहे. मात्र प्रेझ ही पहिली इलेक्ट्रीक स्कूटर असून तिची किंमत आहे ५९८८९ रूपये.

या स्कूटरला साईड स्टँड सेन्सर, कीलेस एंट्री, फाइंड माय स्कूटर फंक्शन, एलईडी टेललाईट, इंडिकेटर्स दिले असून ती ३ स्पीड मोडमध्ये उपलब्ध आहे. इकॉनॉमर, स्पोर्ट व टर्बो असे हे तीन स्पीड मोड आहेत. ही स्कूटर २ तासांत फुल चार्ज होते व एकदा चार्ज केल्यानंतर १७० ते २०० किमी जाते असाही दावा कंपनीने केला आहे.